I ddechrau
Cynheswch y popty i 200C/400F/Nwy 6 (ffan 180C)
Yn syml
Torrwch y petris yn ddarnau 2.5cm. Ychwanegwch halen a phupur at y blawd a rhoi’r cig ynddo nes ei fod wedi’i orchuddio’n llwyr. Cadwch unrhyw flawd dros ben yna cynheswch yr olew mewn padell ffrio fawr a browniwch bob ochr y cig, tynnwch ef o’r badell a’i arllwys i ddysgl pei.
Nawr
Pliciwch a thorri’r nionyn a’r garlleg yna eu coginio yn y sosban gydag ychydig mwy o olew os oes angen, nes ei fod yn fwy meddal. Pliciwch a thorri’r seleriac a’r moron yn ddarnau 2cm a’u coginio dros wres canolig am 5 munud yna ychwanegwch y blawd a gadwyd yn ôl a’i droi am 2 funud.
Yna
Arllwyswch y stoc, y gwin a’r persli wedi’u torri a’u codi i ferwi. Ychwanegwch halen a phupur, gostwng y gwres a gadael iddo goginio am 10 munud, yna arllwyswch y cyfan dros y cig yn y ddysgl pei.
Nawr
Rholiwch y crwst i faint y ddysgl pei a’i roi ar ben y cig a’r llysiau. Marciwch y pei gyda chyllell finiog a’i frwsio gydag wy wedi’i guro. Coginiwch y pei yn y popty am 30 munud nes bod y crwst yn euraid.
I weini
Tynnwch ef o’r popty a’i dorri’n 4 darn a’i weini gyda thatws hufennog a llysiau gwyrdd wedi’u stemio.
